Алматыда жер сілкінісі болған жағдайда халыққа көмек көрсететін 380-нен астам пункт құрылды, деп хабарлайды kazbusiness.kz.
Бұл жөнінде ҚР Төтенше жағдайлар министрлігі хабарлады.
Пункттер уақытша жинауға, тіркеуге, зардап шеккен халықты қажетті заттармен (су, тамақ, азық-түлік) қамтамасыз етуге, көлікке отырғызуға және қауіпсіз аудандарға эвакуациялауға арналған.
Сондай-ақ төтеншеліктер зардап шеккен халықты қабылдау пункттері туралы толық ақпарат 2ГИС картасында, Алматы ТЖД мен әкімдіктің ресми сайттарында орналастырылғанын атап өтті.
Ол үшін қосымшаға «зардап шеккен халықты қабылдау пункттері» деп іздеу енгізу қажет.
