3 Халықаралық ірі қаржы институттарының өкілдерімен кездесуі барысында Жетісу облысының әкімі Бейбіт Исабаев инвесторлар үшін Жетісу өңірінде қолға алуға болатын жобаларды атап, осы бағытта әріптестік орнатуды ұсынды.
-Бізде тұтынушыларды қажетті мөлшерде қантпен қамтамасыз етуде қиындықтар байқалуда. Еліміз бойынша 4 қант зауыты жұмыс істеп тұрса, соның 2-уі біздің өңірімізде. Екі зауытымыз да жаңғыртудан өткен. Қазіргі уақытта Көксу қант зауыты жыл бойы жұмыс істеуде, қант қызылшасы мен қант қамысын қайта өңдейді.
Ал, Ақсу қант зауытында жөндеу жұмыстары жүргізілуде. Қамыс қантын қайта өңдеуге арналған құрылғыларды орнатудың дайындық жұмыстары қолға алынды.
Егер Алакөл ауданындағы зауытты іске қосатын болсақ, ол зауыттың 100 мың тоннаға дейін шикізатты өңдеуге мүмкіндігі болады, – деді Жетісу облысының әкімі Бейбіт Исабаев.
