Жетісу өңірінде сұраныстың жоғары болуына және жүк көліктерінің ұлғаюына байланысты солярка саудасы шектелді.
“Өңірде жүк көлігінің көбеюіне және жолдарды жөндеуге байланысты жанар-жағармайға сұраныстың артуына байланысты осындай шешім қабылданды”, – деп түсіндірді облыс әкімдігі.
Облыста дизель отыны мен бензин тапшылығы жоқ, бірақ жүк көлігі жүргізушілері жанармай іздеп, біршама сандалып қалып жатыр.
Дизельдік отын тек талон арқылы сатылады, деп хабарлады “Қазақстан” телеарнасы. Қазақстанда жанар-жағармай нарығын реформалау аясында мұнай өнімдерін автомобильмен экспорттауға тыйым салу мерзімін жыл соңына дейін ұзарту туралы бұйрық бар.
Бұған дейін хабарланғандай, Қазақстанда дизель отынына қатысты сараланған тариф енгізіледі. Бұл жанар-жағармайды шетел азаматтарына қымбат бағамен сатуға мүмкіндік береді.
Шекара қызметінің мәліметінше, Қазақстанға тәулігіне 4,5 мыңға жуық жүк көлігі кірсе, оның шамамен 70%-і шетелдік көліктер.
