Қостанайда ұйымдасқан қылмысқа қарсы күрес басқармасы жезөкшелікпен айналысуға тартқан жеңгетайлық бойынша қылмыстық схеманы ашты, деп хабарлайды kazbusiness.kz ақпарат агенттігі Polisia.kz-ке сілтеме жасап.
Қылмыстық іске қатысы бар деген күдікпен Қостанай облысы ПД ҰҚҚКБ Қостанай қаласының 39 жастағы тұрғыны ұсталды. Ведомство мәліметінше, ол әлеуметтік желілер мен мессенджерлер арқылы ұзақ уақыт бойы қалалық колледждердің бірінен жас студенттерді жезөкшелікпен айналысуға тартқан.
“Алдымен ол массаж шебері ретінде жұмысқа орналасу туралы сұхбат жүргізіп, кейін ол қыздарға ақшалай сыйақы үшін интимдік қызмет көрсетумен айналысатындықтарын айтты. Қыздарды ол жеке күзетпен, әртүрлі жалдамалы пәтерлерде клиенттерді таңдаумен қамтамасыз еткен. Сондай-ақ жеңгетай қысқа мерзімде жақсы табыс табуға уәде берген”, – дейді Қостанай облысы ПД ҰҚҚКБ бастығы Серік Байғонов.
Қазіргі уақытта жеңгетайдың жезөкшелікпен айналысуға 10-нан астам қызды тартқаны белгілі болды. Өз кезегінде полицейлер қылмыс жасау тетігін және қылмыстың барлық қатысушыларын толық анықтады.
Айта кетейік, жалдамалы пәтерлер мен тұрғылықты жерлерге тінту жүргізу барысында жеке заттар, телефондар мен 5 млн теңгеден астам қаражат және 8 мың ресей рублі тәркіленді. Аталған дерекке қатысты ҚР ҚК-нің 308-бабы (Жезөкшелікпен айналысуға тарту) бойынша сотқа дейінгі тергеу басталды.
Еске салсақ, бұған дейін Алматы қаласында жезөкшелікпен айналысқан “элиталық эскортшылар” желісінің ұйымдастырушысы ұсталған болатын.
