Бизнес өзге салалар сияқты белгілі бір терминдерден тұрады. Кез келген кәсіп иесі немесе бизнес бастаймын деушілер оны білуі керек. Назарларыңызға кеңінен қолданыста жүрген бизнес-терминдер тізімін ұсынамыз.
А/В тестілеу – тауардың екі нұсқасын салыстыру. Бұл арқылы қай тауардың тез сатылатынын немесе тиімді екенін тексеруге болады.
Блеймсторинг – мақсатқа жетуге кедергі болған факторды немесе адамды ұжым болу іздестіру әдісі.
Бутстреппинг – компанияны сырттан қаражат іздемей-ақ, өз қаржысымен қамтамасыз ету.
Бенчмаркинг – компанияның көрсеткішін жалпы саланың орташа көрсеткішімен, бәсекелестердің статистикасымен салыстыру.
Ашық мұхит (гроубой океан) – бәсекелестік жоқ жаңа сала.
Дауншифтинг – жалақы және мансаптан бас тартып, «өзі» үшін өмір сүруді дәріптейтін өмірлік философия.
Дисижнмейкер – шешім қабылдайтын маман. Бұл термин сату бөлімінде маңызға ие.
АТ-евенгелист – ақпараттық технологиялар саласында насихаттаумен шұғылданатын маман.
Краудинвестинг – онлайн-сервистер арқылы инвестиция жинау процесі.
Краудшиппинг – қажетті маршрут арқылы жүретін қарапайым турист немесе жолаушы арқылы тауарды жеткізу.
Маркетингтік лид – сайтта байланыс нөмірін қалдырған тұрақты клиенттер немесе тауарға қызығушылық танытқандар.
Митап – тәжірибе алмасуға немесе мәселелерді талқылауға бағытталған мамандардың кездесуі.
Необанктер – қызметті ғаламтор арқылы көрсететін банктер.
Перфоманс-менеджмент – мамандардың кәсібилігін, мақсатқа жету процесін бақылауға бағытталған басқару үлгісі.
Пивот – бизнес-үлгіні, тауарды немесе стартаптың саласын өзгерту.
Прекариат – жүктелген міндетті уақытша орындайтын мамандар.
Роадмап – компанияның алдағы әрекеттерін жоспарлау.
Токен – инвестордың кәсіпорыннан алып отыратын цифрлық активтері.
Трекшн – белгіленген уақыт аралығындағы жобаның алға жылжуын, коммерциялық көрсеткіштерін бақылау.
БСҰ (бірегей сауда ұсынысы) – компанияның бәсекелестерден артықшылығын көрсететін ұсыныс.
Экзит – компаниядағы үлесті сату.
ARR (Annual Recurring Revenue) – жаңарып отыратын жылдық табыс.
Burn rate – ай сайынғы компанияның шығыны, орта есеппен алынады.
MVP – тауардың қарапайым прототипі. Бұл нарықтағы сұранысты тексеруге арналады.
CPC – ғаламторда жарнама беру. Сайт иесі өз сайтында жарнаманы орналастырады. Ал клиент оның қаржысын төлейді.
Churn rate – компаниямен қарым-қатынасты тоқтатқан тұтынушылар саны.
Deadlock – бірнеше процесстің бір-біріне бөгет жасағандықтан тығырыққа тірелуі.
MRR – ай сайынғы өзгеріп отыратын табыс мөлшері.
NPS – клиент тәжірибесін және компаниямен қарым-қатынасын бағалауға мүмкіндік беретін құрал.
ROI – инвестицияның ақталуы. Әрбір жұмсалған қаржыдан түскен пайда мөлшері.
UGC – тұтынушылық контент. Клиенттердің пікірі негізінде пайда болған контент.
