ҚР Цифрлық даму, инновациялар және аэроғарыш өнеркәсібі министрі Бағдат Мусин биыл қазақстандықтар үшін YouTube Premium іске қосылатынын айтты, деп хабарлайды kazbusiness.kz.
“YouTube өкілдері биылғы жылы Қазақстанда YouTube Premium іске қосылатынын ресми түрде жариялады. Бұл біздің нарықтың ірі технологиялық компаниялар үшін барынша тартымды болып келе жатқанының көрсеткіші.
Premium-ге өту мүмкіндігі біздің елде бұрын қол жетімді болмаған YouTube сервистеріне қол жеткізуге мүмкіндік береді. Premium-аккаунт иелері видеоларды жарнамасыз көре алады және оларды жүктеп алып, Интернетсіз де қарай алады және т. б. мүмкіншіліктер бар”, – деп Б.Мусин әлеуметтік желіде бөлісті.
Айта кеткен жөн, әзірге елімізде YouTube Premium қызметін қолдануға мүмкіндік жоқ.
YouTube Premium – бұл көрермендерге платформада жаңа мүмкіндіктер беретін ақылы жазылым.
Бұл қызметтің 4 түрі бар:
- сынап көру немесе сынақ
- жеке
- отбасылық
- студенттік
Сынақ
YouTube premium және Music Premium-ді сынап көру жазылым бойынша 1 ай қолдануға болады. Дегенмен, 12 ай ішінде сынақ жазылымын тек бір рет рәсімдеуге мүмкіндік бар.
Студенттік
Студенттік жазылымды қолдану үшін пайдаланушы ЖОО-да оқу, сонымен қатар жоғары оқу орнын SheerID-да мақұлданаған болуы керек. Егер барлық талаптар орындалса, желіні қолданушы жазылымды төлеген кезде жеңілдікті пайдалана аласыз. Алайда жыл сайын студент өзінің студенттік мәртебесін растап отыруы қажет.
Отбасылық
YouTube Premium немесе YouTube Music Premium-ді отбасы мүшелерімен бірге пайдалануға болады. Ол үшін Google-да отбасылық топ құру қажет болады. Барлығы отбасылық жазылымға ең көбі 5 адам қатыса алады. Алайда ескеретін бірнеше маңызды жайттар бар. Отбасылық жазылымға қатысушылар бір мекен-жайда тұру қажет. Сондай-ақ, бір топтан екінші топқа 12 айда бір рет қана ауысуға болады Тағы бір ескерерлігі – отбасы тобындағы пайдаланушылардың аты, фотосуреттері және электрондық пошта мекенжайлары оның барлық мүшелеріне қолжетімді болады.
