Астанада көпбалалы отбасылар және халықтың әлеуметтік осал топтары санаттары үшін «Сатып алу құқығынсыз жалға берілетін тұрғын үй» бағдарламасы бойынша құжаттар қабылдана бастайды, деп хабарлайды kazbusiness.kz тілшісі Тұрғын үй орталығына сілтеме жасап.
Бағдарламаға Астана қаласының коммуналдық тұрғын үй қорынан баспана кезегінде тұрған келесі санаттағы азаматтар қатыса алады:
1) Екінші дүниежүзілік соғыс (ЕДС) ардагерлері;
1-1) жеңілдіктері бойынша ЕДС ардагерлеріне теңестірілген ардагерлер;
1-2) басқа мемлекеттердің аумағындағы ұрыс қимылдарының ардагерлері;
2) бірінші және екінші топтағы мүгедектігі бар адамдар;
3) мүгедек балалары бар немесе оларды тәрбиелеп отырған отбасылар;
4) кейбір созылмалы аурулардың ауыр түрлерімен ауыратын адамдар;
5) жасы бойынша зейнеткерлер;
6) жетім балалар және ата-анасының қамқорлығынсыз қалған балалар;
7) қандастар;
8) экологиялық зілзалалар, табиғи және техногендік сипаттағы төтенше жағдайлар салдарынан тұрғын үйінен айырылған адамдар;
9) көпбалалы отбасылар;
10) мемлекеттік немесе қоғамдық міндеттерді, әскери қызметті атқару кезінде, ғарыш кеңістігіне ұшуды дайындау немесе жүзеге асыру кезінде, адам өмірін құтқару кезінде, құқықтық тәртіпті қорғау кезінде қаза тапқан (қайтыс болған) адамдардың отбасылары;
11) толық емес отбасылар.
Пәтерлердің жалпы саны:
– «Көпбалалы отбасылар» санаты үшін – 86 пәтер (тек 2 бөлмелі пәтер);
– басқа санаттағы «Халықтың әлеуметтік осал топтары» үшін – 24 пәтер:
2 бөлмелі – 3 пәтер;
3 бөлмелі – 21 пәтер.
Тұрғын үйлер сатып алу құқығынсыз жалға беріледі.
Нысандардың орналасқан жері (Астана қаласы):
– «Көпбалалы отбасылар» санаты үшін:
1. Н.Тілендиев даңғылы, 44а, 44, 44/2 үй;
2. Ш. Қосшығұлұлы көшесі, д. 6,
3. Е-767 көшесі, 11 үй,
4. Е-509 көшесі, 7 үй.
– «Халықтың әлеуметтік осал топтары» үшін:
1. Тілендиев даңғылы, 44, 44/2 үй.
Құжаттар 2023 жылғы 17 шілдеден бастап сағат 09: 00-ден 2023 жылғы 26 шілде сағат 23:59-ға дейін қабылданады.
Қабылдау тек qatysu.zhilfond.kz порталы арқылы электронды түрде жүргізіледі.
Айта кетейік, құжаттарды кезекте тұрған кез келген азамат тапсыра алады. Алайда қатысуға өтінім бергендер арасында басқалардан бұрын кезекте тұрғандар өтеді.
