“Дикий Арман” лақап атымен танымал Арман Жұмагелдиевтің қамаудағы мерзімін 7 қыркүйекке дейін ұзартты, деп хабарлайды kazbusiness.kz порталы.
“Алматының мамандандырылған ауданаралық тергеу сотының 4 тамыздағы хабарламасы бойынша, соттың қаулысымен сотқа дейінгі тергеп – тексеру органының өтінішхаты Д. қатысты қылмыстық іс материалдарымен танысу кезеңінде бір айға, яғни 2023 жылғы 7 қыркүйекке дейінгі мерзімге қамауда болу мерзімін ұзартуға қанағаттандырылды және санкцияланды”,-деп хабарлады Алматы қалалық сотының баспасөз қызметі.
Дикий Арман 2022 жылдың 7 қаңтарында Алматыда ұсталды.
Сол жылдың ақпан айында ол ҰҚК тергеу изоляторына ауыстырылды деп хабарланды.
Кейінірек бас прокурор Дикий Арман қылмыстық тобының қаңтар айындағы оқиғаларға қатысуы туралы айтты.
Сонымен қатар, Мәжіліс отырысында ҚР Бас прокуроры Берік Асылов Дикий Арман қаңтар оқиғалары кезінде ҰҚК кураторының үйлестіруімен әрекет еткенін хабарлады.
Сондай-ақ, ол қаланың әр түкпірінен келген Дикий Арман тобының мүшелері “Ritz Carlton” және “Қазақстан”қонақ үйлерінің паркингтерінде 24 кездейсоқ азаматты ұрлап, ұрып-соғып, ұстағанын мәлімдеді.
Бас прокурор Ресей Тарапының Дикий Арманды ұстауға қатысы бар екендігі туралы ақпаратты жоққа шығарды.
