Қазақстандық жас орындаушы Шерхан Арыстан «Витебск» ХХІ халықаралық балалар музыкалық байқауының Гран-приін жеңіп алды, деп хабарлайды Kazbusiness.kz
Гран-при иегері Қарасай ауданы Шамалған ауылының тұрғыны.
Шерхан Арыстан сыйлықты «Витебсктегі Славян базары» ХХХІІ халықаралық өнер фестивалінің ашылу салтанатында Беларусь президенті Александр Лукашенконың қолынан алды.
Талантты қазақстандық барлық қарсыластарын жеңіп, 140 ұпайға ие болды. Бірінші күні ол Андреа Бочелли, Дэвид Фостер және Эми Фостердің Ama, Credi e Vai әндерін орындады.
Жас орындаушы қуатты вокал көрсетіп, көрермендер мен қазылар алқасын тәнті етті. Шерхан өзінің туған жері Қазақстанда үлкенді-кішілі жұртшылық танысын деп, эстрада жұлдызы болуды армандайтынын мойындады.
