2022 жылы облыстық әкімдік пен “Алматы тұрмыстық техника заводы” ЖШС екеуара меморандумға қол қойған еді. Келісім негізінде компания плита, кір жуғыш машина, теледидар, мұздатқыш, пеш, кондиционерлер мен кептіргіш шығару өндірісі арқылы өнім түрін кеңейту жоспарда.
Аталмыш ЖШС-ы DAUSCHER маркалы тұрмыстық техника өндірісін қолға алған.
Еске салсақ, Алматы облысы әкімдігі мен ЖШС 25,2 млрд теңгеге меморандумға қол қойған болатын. Кеңейтілген зауыт “Қайрат” индустриялық аймағында 60 гектар жерді алады деп күтілуде. Қазіргі уақытта өндірістің жобасы сызылуда.
Сондай-ақ Еуропадан құрал-жабдықтар, өндіріске арналған машиналар, формаға тапсырыс берілген. Одан бөлек техниканы құрастыруға қатысты тоттанбайтын темір, темір, алюминий, қорап сынды заттарды өндіретін отандық кәсіпкерлермен келіссөз жүргізіліп, келісімшарт шарттары пысықталуда. Оған қоса теледидар линиясы қосылып, бүгінде 1000 теледидар сатылымда.
“Біз Қазақстанның барлық өңірлеріне газ және электр плиталарын, кіріктірілген ас үй техникасын, тоңазытқыштарды, мұздатқыштарды, сорғыштарды, автоматты және жартылай автоматты кір жуғыш машиналарды, теледидарды және шағын тұрмыстық техниканың үлкен ассортиментін өте қолжетімді бағамен жеткізе отырып, бөлшек және көтерме сатып алушылармен жұмыс істейміз. DAUSCHER техникасын дамытудағы ең маңызды идея – заманауи және адамдардың игілігі үшін заманауи және инновациялардың күші”, – дейді ЖШС директоры Абулқасым Сойырқас.
Қазіргі уақытта зауытта 100 адам жұмыс істеуде. Құрылыс жұмыстары 1-2 жыл көлемінде аяқталады деп күтілуде. Барлық жұмыстар аяқталғаннан кейін жалпы саны 1000 адамды жұмыспен қамту жоспарлануда.
Шағын пештерді, кір жуғыш машинасын жинақтайтын өндірістік линиясының құрылысы да жүргізілуде.
Айта кетейік, Ресей, Тәжікстан, Өзбекстан, Моңғолия сынды мемлекеттерге даушер техникасы экспортталады.
