Құндылықтардың орны ауысып, құны кеткен кезеңде қаржының орнына қайтып келмес уақытын сарп ететіндер жетерлік. Қазіргі таңда шағын және супер маркеттердегі ұзын-сонар кезекке көз үйренген. Минуттарынан бұрын мардымсыз қаржысын үнемдеймін деп, азық-түлік алу үшін «аяқтан тозатындардың» саны басым. Шалғай ауылды былай қойғанда, бұл дәстүрлі үрдіс үлкен қалаларда да қалыпты жағдайға айналған.
Алайда, бүгінде тұтынушының уақытын үнемдеу үшін өнімді есігінің алдына дейін жеткізу қызметі жолға қойылған.
Сөзімізге арқау болып отырған осы бағыттағы кәсіп түрі ,Алматы облысының шет аудандарында өз жұмысын бастаған болатын. «Easy FOOD» атауымен ашылған азық-түлік дүкені, дәл осы жедел жеткізу қызметінде ұстанған. Дәстүрді кәсіп пен бизнестің заманауи тәсілін бірге қолданған. Аталмыш жобаның негізін қалап, кәсіптің құрылтайшыларының бірі- Қуаныш Шаханов.
Кәсіпкерлік саласында түрлі жобаларды жүзеге асырып жүрген азамат үшін бұл жеткізу қызметіндегі алғашқы жобасы еді. 2017 жылы жолға қойылған бастама біраз уақыт нәтижелі жемісін берген. Дегенмен, одан түсетін пайда айтарлықтай көп болмаған.
«2017 жылдың аяғына таман «Easy FOOD» жобасын іске асырдық. Онда азық-түлікті жеткізумен айналыстық. Дәл қазіргідей сол шақтарда да адамдар өз уақытын үнемедемейтін еді. Сол себепті біздегі жедел жеткізу қызметінде бөлшек сауда аса бір сұранысқа ие болмады. Бізде, мектептер мен балабақша сынды арнайы мекемелерге азық-түлікті жеткізу қызметіне басымдылық берілді. Осылайша, жұмысты жалғастырдық»,- дейді Қуаныш Шаханов.
Кәсіпкердің айтуынша, жобаның айтарлықтай айналымға шықпауы темекі мен спирттік ішімдіктерді сатпауында екен. Өйткені, барлық азық-түлік дүкендеріндегі негізгі табысқа келетін түсім «қос өнім» арқылы келеді.
Хош, Қаскелеңдегі ең ерекше бизнес жоба болып танылған «Easy FOOD-тің» есіктің алдына дейін жеткізу қызметіне жүгінетіндер саны орташа хәлден әрі асалмады. Мұнысын, кәсіпкер дәл осы бағыттағы қызмет көрсету саласын ерте бастағандарымен байланыстырады.
«Біз бұл бағытта жұмысты ерте бастадық деп ойлаймын. Бірақ, пандемия кезінде жеткізу қызметіне сұраныс артты. Мәселен, арбуз.кз дүкендер желісі біздегідей өнімді үйге дейін тасымалдаумен айналысты. Бірақ олар айналымға үлкен қаражатпен кірді»,- деп сөзін сабақтады Қуаныш мырза.
Елді мекендерге таңсық болған бизнес түрімен айналысқан Қуаныш Шахановтың ендігі ойы, жеткізу қызметін шағын қалалар мен аудандарда қайта жандандыру.
Расымен, шалғай жерлерде үлкен сауда орындарының жоқтығын ескерсек, жеткізу қызметі тапсырмас кәсіп болары анық. Барлығы дамыған кезеңде, кәсіпті ілгерлетудің жолы да сан қилы. Кәсіп түбі-нәсіп.
