Кәсіпорын шығаратын өнім барлық құрғақ құрылыс қоспаларының, сондай-ақ бояулардың құрамына кіреді. Тұтастай алғанда, Текелі өңірінің кәсіпорындары елдің мәрмәр ұнына қажеттілігінің 80% – ын жабады. Бұған дейін аталған өнімді негізінен көрші елдерден импорттаған болатын.
Евгений Майерленің айтуынша, кәсіпорын 2008 жылы құрылған, дегенмен мәрмәр ұнын өндіру тарихы “Алатау мәрмәр”ұйымынан басталған. Бүгінде “Art-KZ” шамамен 15 мың тонна шикізат өндіреді, сондай-ақ айына 300 тонна дайын құрғақ қоспалар өндірісі жолға қойылған, олар Талдықорған өңірінде сатылады.
“Біздің мәрмәр ұны “Ақшақар”, “Радуга”, “Selena”, “AlinEX”брендінің өнімдері сияқты танымал бояулардың құрамына кіреді. Біз өзіміз дайын құрғақ қоспаларды өндіруді бастадық. Негізінен біздің шикізат пен өнім Талдықорған, Алматы, Астана қалаларында сатылады. Инвестор өз қаражаты есебінен жабдықты 3 жыл бұрын жаңартты, мемлекеттік қолдауға жүгінбеді”, – деді Евгений Эмильевич.
Оның айтуынша, бүгінде зауыт 15 адамды диірмен қондырғысының машинисі лауазымына қабылдауға дайын, жалақысы 214-тен 218 мың теңгеге дейін. Кәсіпорында 3 бригада жұмыс істейді, осылайша әр қызметкер айына 15 күн жұмыс істейді, демалыс 30 күнге созылады, кәсіпорын жұмыс берушінің есебінен қызметкердің жалақысының 5% мөлшерінде қосымша зейнетақы жарналарын төлейді. Өз карьері бар. Қазір зауытта 50-ге жуық адам жұмыс істейді, жалпы мәрмәр кластерінде 500 жұмыс орны құрылды.
“Көбіне жас ұрпақ қолмен жұмыс істеуге ұмтылмайды, оларды блогерлік, интернет желісі көбірек қызықтырады. Бірақ жаңа облыста өнеркәсіпті көтеру, құрылыспен айналысу қажет. Бұл аймақ экономикасының дамуы үшін өте маңызды. Өз тарапымыздан біз өз күшімізге қарай отандық құрылыс саласының дамуына өз үлесімізді қосамыз, жұмыс орындарын құрамыз, өндірісті жолға қоямыз. Бүгінгі таңда кәсіпорынның ең жас қызметкері 22 жаста, ал ең үлкені 72 жаста”,-деді Евгений Эмильевич.
Облыстық өнеркәсіп өндірісіндегі Текелі қаласының үлес салмағы осы кезеңде 13,1% – ды құрайды. Моноқалада құрғақ құрылыс қоспалары, уыт, бордюрлер, таурит, сүт өнімдері және т.б. өндіріледі. Ағымдағы жылдың 7 айында қала экономикасына 2909,6 млн.теңге инвестиция тартылды. Сондай-ақ, Текелде 1500-ден астам ШОБ субъектісі жұмыс істейді, бұл салада 3800-ге жуық адам жұмыс істейді, осы жылдың 7 айында 6425,0 млн.теңге сомасына өнім өндірілді.
