Талдықорған қаласы маңындағы Көктал шағын ауданының тұрғыны Сәбит Мүшелбаев өз өмірін түбегейлі өзгертуге шешім қабылдады. Ол көп жылдар бойы автобус жүргізушісі болып жұмыс істеді, бірақ “Еңбек” бағдарламасының арқасында «МСШ» шаруа қожалығын құрды.
Бүгінде оның 11-ге жуық жылқысы бар және мал басын көбейтуді жоспарлауда.
Жас кәсіпкер жылқыларды тек етке ғана емес, сонымен қатар пандемия кезінде сұранысы артқан қымызды да сатады.Айта кетейік, Сәбит Мүшелбаев “бәйгеге”жылқы дайындайды.
Оның айтуынша, ат жарысында әлі жүлделі орындарға ие болмаған, бірақ биылғы жылы “Хулиган”, “Шоколад”, “Топай көк”атты тұлпарларға үлкен үміт бар.
– Қазір мен хобби мен жұмысты біріктіремін. Мемлекеттік қолдау туралы білгенде өз ісін бастауға шешім қабылдадым. “Еңбек” бағдарламасы бойынша 6% несие алып, жылқы сатып алдым .Мен үшін бұл бағдарламаның артықшылығы – бірден төлеудің қажеті жоқ – негізгі қарыз жылына бір рет, ал пайыздар алты айда бір рет төленеді. Бұл бизнесті “аяққа тұрғызуға” мүмкіндік береді”, – дейді Сәбит Мүшелбаев .
Болашаққа бизнесін кеңейту, жарыстарда жүлделі орындарға ие болу сынды жоспарлары бар.
– Ежелгі заманнан бері қарт адам да, жүре алмайтын бала да атқа отыра алды. Жылқы әрқашан көлік құралы ғана емес, сонымен бірге адамның досы және тіпті серіктесі болып саналды. Жылқы – өте дана, тіпті аздап сиқырлы тіршілік иесі, онымен қарым-қатынас жүйке жүйесі мен адам ағзасына керемет әсер етеді, атқа міну сағаты кез келген тыныштандырғыш құралға қарағанда күйзелісті басады, – дейді Сәбит Мүшелбаев.
