Қазіргі уақытта тіркелген жері бойынша емханада тегін дәрі-дәрмектерді 49 түрлі дертпен ауыратын пациенттердің алу мүмкіндігі бар, деп хабарлайды kazbusiness.kz.
Дәрі-дәрмек алудың негізгі шарты – науқас дерті бойынша есепте болуы керек. Мұндай пациенттер үшін 347 дәрілік заттар мен медициналық бұйымдар қарастырылған. Бұдан басқа, МӘМС сақтандырылушылары үшін 79 ауру бойынша дәрілік заттар мен медициналық бұйымдардың тағы 265 атауы бар.
ҚР Денсаулық сақтау министрлігінің 2021 жылғы 5 тамыздағы № 75 бұйрығымен бекітілген нозологиялар мен қолжетімді дәрілер тізбесімен adilet.zan.kz сайттан танысуға болады. Дәрі-дәрмекті алу үшін пациент өзінің учаскелік дәрігеріне/ЖПД-ға жүгінуі керек. Ол науқастың жағдайын бағалайды және қажет болған жағдайда дәрі-дәрмектерді алуға рецепт жазады. Рецептпен және жеке басын куәландыратын құжатпен емхананың дәріханасына хабарласуы қажет.
Айта кеткен жөн, МӘМС бойынша медициналық көмек алу, тегін амбулаториялық дәрілік қамтамасыз ету шеңберінде препараттармен қамтамасыз ету кезінде проблемаларға тап болсаңыз, медициналық ұйым жанындағы пациенттерді қолдау қызметіне немесе әкімшілікке жүгінуге болтынан еске саламыз. Егер мәселе медициналық мекеме деңгейінде шешілмесе, Qoldau 24/7 мобильдік қосымшасына, SaqtandyryBot телеграм-ботына, сондай-ақ өңірлік Денсаулық сақтау басқармасына немесе медициналық сақтандыру Қорына жүгінген жөн.
