Жастарға қалай үй алуға болатындығын айтпастан бұрын, жастар категориясына кімдер кіреді? “Мемлекеттік жастар саясаты туралы” Заңның 1-бабының нормасына сәйкес, он төрт жастан отыз бес жасқа дейінгі Қазақстан Республикасының азаматтары жастар деп танылады. 2023 жыл басынан бері халық саны 247 768 адамға өсті,яғни жастар саны ұлғайған. Елімізде баспанаға мұқтаж 2 млн 300 мың адам ресми түрде баспана алуға өтініш жіберген. Нарықтағы сұраныстың басым көпшілігі әрине Астана және Алматы қалаларында. Осы орайда kazbusiness.kz жастарға үй алуға тиімді бағдарламалар тізімін ұсынбақ.
- ELORDA ZHASTARY МЕН «АЛМАТЫ ЖАСТАРЫ» БАҒДАРЛАМАСЫ. Жылына 5%-дық мөлшерлемемен 25 жылдық несие алынып, үй бағасының 10 %-ы алғашқы жарна ретінде төленуі шарт. Соңғы бес жылда атында үй болмаған, ресми жұмыстағы еңбек өтілі 1 жылдан кем болмаған-жастар аталмыш бағдарлама арқылы үй ала алады.
- “ Еңбек” бағдарламасы. Қазақстанға немесе ел аумағында қоныс ауыстырған жастар үшін ұйымдастырылған бағдарлама. Мемлекет тарапынан ұмынылған аумаққа көшкен жастарға: көшіп келгендігі үшін бір реттік төлемақы,тек коммуналды төлемге 7-9 мың теңге аралығында төлем төленеді,5 жылдан кейін үйді өз атына аударуға мүмкіндік бар.
- “7-20-25” бағдарламасы. Тек жастардың үй алуына бағытталмаған бағдарлама, дегенмен жастардың бұл бағдарлама арқылы үй алу мүмкіндігі өте жоғары. Несие 25 жылға алынады. Алғашқы жарна- үй соммасының 20%.
- Жаңа баспана 6/50 бағдарламасы. Алғашқы жарна- үй соммасының 50 пайызы болуы керек.
- Жасыл ипотека бағдарламасы. Аталмыш бағдарламаның артықшылығы- үйдің бар жоғына қарамайды. Бастапқы жарна- үй соммасының 20-50 %. Ипотека алу үшін Отбасы банкінің филиалына барып немесе онлайн өтініш беріп, табыс есептеледі. Табыс жетсе, ипотека мақұлданады.
