Бас прокуратураның мәліметіне сүйенсек, ел аумағында соңғы 3 жылдың ішінде прокурорлар 18 млн гектар бос және 3 млн гектар заңсыз берілген жайылымдарды анықтаған, олардың 5 млн гектары мемлекетке қайтарылып, 4 млн гектары айналымға тартылды.
Тергеу жұмысының нәтижесі учаскелерді игеруге мүмкіндігі жоқ адамдар жердің жасанды тапшылығын тудыратынын көрсетті.
Сондықтан да фермерлер мен ауыл халқы жайылымдарды пайдалану мүмкіндігін қолдан жіберіп алуда.
Жағдайды жақсарту үшін ағымдағы жылы ауыл шаруашылығы министрлігімен бірлесіп мемлекетке қосымша 5 млн га жерді қайтару жоспарлануда.
Жергілікті жерлердегі шаралар бойынша әкімдіктер қоғамдық жайылымдарды басқару жоспарларын бекітті. Бұл ауылдық елді мекендер маңындағы жайылымдық жерлерді жеке тұлғаларға беруге жол бермеуге мүмкіндік береді.
Бүгінгі күні жайылымдарды беру кезіндегі бұзушылықтар және тиісті бақылаудың жоқтығы үшін прокуратура органдарының қадағалау актілері бойынша 520 лауазымды тұлға тәртіптік жауапкершілікке тартылды, оның ішінде 42-і мемлекеттік қызметке кір келтіретін әрекеттері үшін жауапқа қартылды.
