“Алматы облысының жолаушылар көлігі және автомобиль жолдары басқармасы” ММ басшысының бұрынғы орынбасары ұсталып, ӘТҚ-ға қамауға алынды, деп хабарлайды kazbusiness.kz порталы 25 шілдеде Жетісу облысы прокуратурасының баспасөз қызметіне сілтеме жасап.
Хабарламада оның Кербұлақ ауданы Малайсары ауылына кіреберіс автожолында жөндеу жұмыстарын жүргізу кезінде өзінің қызметтік жағдайын теріс пайдаланды деп күдіктелгені айтылған.
“Мемлекетке 37 млн теңгеден астам сомаға елеулі материалдық залал келтірілді. Осы факті бойынша ҚР Қылмыстық кодексінің 361-бабы 4-бөлігі 3-тармағына сәйкес (лауазымдық өкілеттіктерді теріс пайдалану) сотқа дейінгі тергеу жүргізілуде”.
Жетісу облысы прокуратурасының баспасөз қызметі
Қазақстан Республикасы ҚІЖК-нің 201-бабына сәйкес сотқа дейінгі тергеп-тексерудің қалған деректері жария етілуге жатпайды.
Тергеу жалғасуда, деп нақтылады қадағалау ведомствосы.
2023 жылғы 26 маусымда Абай облысы Үржар ауданының прокуратурасы Науалы балалар үйі әкімшілігі қызметкерлерінің 6 млн теңгеден астам сомаға бюджет қаражатын ұрлау фактісін анықтағанын хабарлады.
