Алдағы таңда өнім экспорты кеңейе түсуі мүмкін, өйткені осы жылдың шілде айында тағы 19 қазақстандық ет өнімдерін өндірушілер ТҚ-мен сауда жасау құқығына ие болды. Ауыл шаруашылығы министрлігінің мәліметінше, 2022 жылдың алты айында Өзбекстанға Қазақстаннан 9 мың 185 тонна ет және ет өнімдері, 30 тонна құс еті, 402,37 тонна балық, 3 мың 553,8 тонна сүт және сүт өнімдері және 4 тонна ара шаруашылығы өнімдері экспортталды.
Шілде айының басында ҚР Ауыл шаруашылығы министрі Ербол Қарашөкеевтің Ташкентке ресми сапары кезінде Өзбекстан Республикасының аумағына әкелінетін, мемлекеттік ветеринариялық қызметтің бақылауындағы тауарларды өндіруді, қайта өңдеуді және сақтауды жүзеге асыратын ұйымдар мен тұлғалар тізіміне тағы 19 қазақстандық мал шаруашылығы өнімдерін өндірушілер енгізілді. Осылайша, қазіргі уақытта тізілімге 57 қазақстандық кәсіпорын кіреді.
Тұтастай алғанда, шет елдердің тізіліміне Қазақстаннан 3188 экспорттаушы кәсіпорын енгізілген. Оның ішінде 2839 ЕАЭО, 91 ҚХР тізіліміне, 48 ЕО-ға, 143 Өзбекстан тізіліміне, 11 БАӘ, 34 Жапония, 8 Түркия, 4 Корея, 10 Сауд Арабиясы Корольдігіне тізіліміне кіреді.
Сондай-ақ, ауыл шаруашылығы министрлігі қазіргі уақытта Қазақстаннан Сауд Арабиясына қой еті мен сиыр етінің экспортын ашу мәселесі пысықталып жатқанын хабарлады.
Ұлттық статистика бюросының деректеріне сәйкес, қаңтар – мамыр айларында Қазақстан құны $47 млн 211,1 мың болатын барлығы 14 мың 453,5 тонна ет және ет өнімдерін экспортқа жіберді, оның ішінде шетелге жаңа сойылған және тоңазытылған ІҚМ еті 5 мың 688,5 тонна $25 млн 129,1 мың долларға, мұздатылған ІҚМ еті – 23,9 тонна $202,6 мың долларға сатылды., қой еті-2 мың 783,4 тонна, құны $11 млн 466,9 мың.
