Әлемдегі ең биік ғимарат орналасқан әрі климаты басқарылатын көшесі бар әлемдегі жалғыз қала – Дубайда тағы бір ерекше архитектуралық нысан салынбақ. Жер серігінің репликасында керемет қонақүй, спорт сарайы және тағы басқасы орналасады, деп хабарлайды kazbusiness.kz.
Канадалық кәсіпкер және Moon World Resorts Inc. сәулет компаниясының тең-негізін қалаушы Майкл Хендерсон 274 метрлік айдың көшірмесін салуды ұсынып отыр. Ол 30 метрлік ғимараттың жоғары жағына орналастырылады. Жоба құны 5 миллиард АҚШ долларынан асады.
Хендерсон ұсынған жоба «Ай» деп аталады.
Сфералық құрылымның ішінде 4 000 нөмірлі қонақүй мен курорт, 10 000 адамды қабылдай алатын спорт сарайы, сондай-ақ қонақтар айда серуендей алатын «ай колониясы» болады.
30 метрлік тұғырда орналасқан «Ай» түнде жарқырап тұрады деп жоспарланған.
