ҚР Ұлттық экономика министрлігі 2022 жылы өңдеу өнеркәсібінің даму қарқыны бойынша Алматы қаласы тізімде бірінші тұрғанын хабарлаған. Осыған орай, kazbusiness.kz қалалық Кәсіпкерлік және инвестициялар басқармасына Алматыда өндірілетін негізгі өнімдер туралы сауал жолдады.
Алматы қаласы Кәсіпкерлік және инвестициялар басқармасы өңдеу өнеркәсібінде 2022 жылы 1,5 трлн. теңгеге өнім өндіріліп, өнеркәсіп өндірісінің республикалық көлемінде Алматы қаласының үлесі 7,1%-ды құрағанын хабарлады. Басқарма мәліметінше, өңдеу өнеркәсібі құрылымында ең үлкен үлесті (58,4%) келесі салалар алады:
– 605,7 млрд. теңгеге машина жасау (35,3%) өндірісі, оның ішінде, 454,4 млрд. теңгеге автомобиль өндірісі (26,7%).
– 310,6 млрд. теңгеге тамақ өнімдерінің өндірісі (18,1%), оның ішінде, 76,9 млрд. теңгеге өндірілген сусындар өндірісі (4,5%). Сондай-ақ, 55,9 млрд. теңгеге өсімдік және жануарлар майы мен май өндірісі (3,3%) және 47,0 млрд. теңгеге сүт өнімдерінің өндірісі (2,7%) ие болып отыр.
Айта кеткен жөн, Алматыда өндірілетін басты өнімдердің бірі – майонез өндірісі 2022 жылы 2021 жылға қарағанда 10,5%-ға өсе отырып, 49,2 мың тоннаны құрады. Республикалық көлемде Алматы қаласының үлесі 99%-ға ие. Алматы қаласында негізгі майонез өндірушілері – «Еуразия Фуд Корпорэйшн» АҚ және «Масло-Дел» ЖШС.
