Министрдің сөзіне сенсек, болашақта Алматы облысы дотациялық өңірден донор облысқа айналуы ықтимал.
«Қазір қайта ұйымдастырылатын үш өңір бұған дейін дотациялық облыс болған. Бірақ Алматы облысы болашақта республикалық бюджеттің донорына айналуы мүмкін. Оның бұған потенциалы бар», — деді Әлібек Қуантыров.
Айтуынша, бүгінгі таңда төрт өңір – Атырау және Маңғыстау облыстары, Нұр-Сұлтан және Алматы қалалары республикалық бюджеттің доноры, ал қалған өңірлер – дотациялық.
Осы жылдың қорытындысы бойынша Абай облысы бойынша жалпы өңірлік өнімнің (ЖӨӨ) көлемі 2 трлн теңгеге дейін, Жетісу облысы – 1,1 трлн теңгеге дейін, Ұлытау облысында 1,3 трлн теңгеге дейін ұлғаяды деп күтілуде.
