Ауыл шаруашлығы саласының әлеуеті жоғары. Алматы облысында өткен жылы аталған салада жалпы өндірілген өнім көлемі 736,5 млрд.теңгені құрады. Бұл 2021 жылмен салыстырғанда 16,5 пайызға сөкенін көрсетіп отыр.
Ал, үстіміздегі жылы бұл меже айтарлықтай өсіп, 2023 жылға 820,0 млрд.теңгенің өнімі өндіріліп, нақты көлем индексі 101,3% болады деп күтілуде.
Оның ішінде, мал шаруашылығында 418,2 млрд.теңгенің өнімі өндіреді деп жоспарланған, сәйкесінше нақты көлем индексі 102,8%-ға жетпек.
«2022 жылы ауыл шаруашылығы саласын қолдауға екі облыс бойынша 59,8 млрд теңге қарастырылса, оның ішінде 55,3 млрд теңгесі субсидияға бөлінді. 1 қаңтардағы көрсеткіш бойынша – 55,29 млрд. теңге игерілді. Орындалу пайызы 99,9% құрады. Биылғы жылға 33,7 млрд теңге қарастырылуда, оның 30,6 млрд теңгесі субсидия қаражаты»,-деп атап өтті Алматы облысы әкімнің орынбасары Рауан Рақымбеков.
Қуантарлығы, қазіргі таңда ауыл шаруашылығының негізгі капиталына инвестициялар орнықты түрде тартылуда. 2022 жылдың 12 айындағы көрсеткіш бойынша ауыл шаруашылығының негізгі капиталына тартылған инвестиция көлемі 18,5%-ға ұлғайған.
2021 жылдың сәйкес кезеңімен салыстырғанда азық-түлік өндірісіне салынған инвестиция 82,3%-ға өсті.
2022 жылы жалпы құны 79,5 млрд теңге болатын 22 инвестициялық жоба іске асып, жаңа 496 жұмыс орны ашылса, 2023 жылға құны 72,7 млрд.теңге болатын 10 инвестициялық жобаны іске асыру жоспарлануда. Жоба іске асқан жағдайда жаңа 684 жұмыс орны ашылады.
Рауан Тұрданғазыұлының айтуынша, 2022 жылы инвестициялық жобалардың шығыстырының бір бөлігін өтеуді субсидиялауға 10 млрд теңге төленді. 2023 жылға инвестициялық жобаларды субсидиялауға 4,7 млрд теңге қаржы бөлінді.
