Кәсіптен нәсібін тапқандардар үшін қолайлы бағдарламалар қатарында «Бизнестің жол картасы-2025», «Еңбек», «Нұрлы жол», Өңірлерді дамытудың 2020-2025 жылдарға арналған бағдарламасы бар. Сонымен қатар индустриялық-инновациялық дамудың 2020-2025 жылдарға арналған мемлекеттік бағдарламасы, агроөнеркәсіптік кешенді дамытудың 2017-2021 жылдарға арналған жобалары да бизнесті жетілдіруге бағытталған.
Айта кетейік, олардың әрқайсының өз міндеттері мен талаптары бар. Кейбір бағдарламалар мемлекеттік тапсырмалар мен тапсырыстар арқылы бизнеске жанама қолдау көрсете алады.
Сондай-ақ квазимемлекеттік құрылымдар мен әкімдіктер тарапынан қолдау бағдарламаларын да мемлекеттік жобаларға жатқызуға болады.
Мемлекет ұсынған жобалар өз жемісінде беруде. Мәселен, Алматы облысында жаңа бизнес-идеяларды іске асыру мақсатында «Бизнестің жол картасы-2025» бағдарламасы аясында 128 жас кәсіпкерге қолдау көрсетілген. Бұл мақсатқа бюджеттен 462 млн. теңге қарастырылған.
Жалпы аталмыш бағдарлама аясында 1,9 млрд.теңге сомасына 186 шағын және орта бизнес субъектілеріне пайыздық мөлшерлемені субсидиялау және кредиттерге кепілдік беру түрінде қолдау көрсету көзделген.
