Басқарма басшысының келтірген деректеріне сүйенсек, метал бұйымдарын өндіру- 14,1%-ға, жеңіл өнеркәсіп-11,9%-ға, минералды өнімдерді өндіру – 7,1%-ға химия өнеркәсібі-5,8%-ға азайған.
Жеңіл өнеркәсібі желкенін түрді деп есептеген облыста бірқатар кәсіпорындар өндіріс көлемдерін азайтқаны және бар. Бұл қатарда «Алматы былғары зауыты», арнайы киім шығаратын «Алтын жұлдыз» және «Медиатекс» кәсіпорындары төбе көрсеткен. Сондай-ақ, метал бұйымдарын шығаратын «КнауфГипсКапшагай», «Қарасай машина жасау зауыты» мен химия өнеркәсібінде Қонаев қаласындағы «КазАгроКоммерц», «Акрилейт», металл емес минералды өнім шығаратын « Ремстройтехника», Фирма Бент» сынды кәсіпорындардағы көрсеткішті әлсірегенін аңғаруға болады.
— «Жалпы алғанда облыста жүйе құрайтын 18 ірі кәсіпорын бар. Оның ішінде «Джей Ти Ай Қазақстан» темекі өнімдерін 5,4%-ға, «КнауфГипсКапшагай» Кнауф ГипсҚапшағай» болаттан жасалған профильдер өндірісін 20,4%-ға, гипсокартон өндірісін 3,3%-ға төмендетті»,-дейді Экономика және бюджеттік жоспарлау басқармасының басшысы Аслан Ораз.
Басқарма басшысы аталған кемшіліктерді жою үшін, тиісті басқармалар мен аудан және Қонаев қаласының әкімдері осыған назар аударып, ірі кәсіпорындарда өндірістің төмендеуіне жол бермеу шараларын қолға алу керектігін алға тартты.
