Алматының көші-қон полициясы «Нелегал» іс-шарасын өткізіп жатыр. Жұмыс қорытындысы бойынша Қазақстаннан 40 шетелдік шығарылды, деп хабарлайды kazbusiness.kz.
Polisia.kz жазуынша, Құқық қорғау өкілдерінің айтуынша, көші-қон заңнамасын бұзудың 405 дерегі анықталса, оның 281-ін шетел азаматтары жасаған. Сондай-ақ шетелдіктердің елімізде болуының заңдылығын қамтамасыз ету шараларын қолданбағаны үшін 115 адам әкімшілік жауапкершілікке тартылған. Сонымен қатар, жұмыс беруші 9 отандасымыз шетелдік жұмыс күшін тарту тәртібін бұзған.
«ПД-ның қабылдап-таратуына жеке басын куәландыратын құжаты жоқ 192 шетел азаматы орналастырылды. Сонымен қатар іс-шара барысында заңсыз көші-қон арналарын ұйымдастыру бойынша 5 қылмыстық іс тіркелді», – деді Алматы қалалық ПД көші-қон қызметі басқармасының бастығы Асхат Бутунчинов.
