“Алтын Орда” базарында тағы да шу. Осы жолы дінге қатысты мәселе орын алуда. Нақтыласақ, қысқа шалбар киген ерлер намазға жығылып, әйелдер орануы үшін ақша мен қамқорлықтарын ұсынуда. Бұл туралы журналист Сандуғаш Дүйсенова жазды, деп хабарлайды kazbusiness.kz ақпарат агенттігі.
Қысқа шалбар киген сақалды ер адамдар әйгілі “Алтын Орда” базарының саудагерлеріне дәстүрлі емес ислам дінін ұстанушылар қатарына қосылуы үшін ақша ұсынатын көрінеді.
Айта кетейік, “Алтын Орда” базары 2000 жылдардың басында Алматы облысында құрылған. Әлі күнге дейін жұмысын тоқтатпады. Тіпті айналасында шу шығып, мәселесі тауысар емес.
Он жыл ішінде “Алтын Орда” өзін бүкіл елді жеміс-көкөніс өнімдерімен қамтамасыз ететін ең ірі көтерме сауда нарығы ретінде ғана емес, Қазақстанның ең қылмысты нысанның бірі деген атаққа ие болды. Енді міне салафиттердің шоғырланған жеріне айналудың аз алдында тұр.
Базар маңында дәстүрлі емес исламды ұстанушылардың қарасы көп. Қысқа шалбар киген сақалды ер адамдар негізінен күзетші болып жұмыс істейді. Олардың ауқаттыларының үлкен қоймасы бар. Одан бөлек арнайы намазхана орналасқан (дұға етуге арналған арнайы бөлме). Жұма күндері салафиттер Іргелі ауылында орналасқан мешітке жиналады.
Күзетшілер базарда өздерін еркін сезінеді. Тіпті хиджаб кию үшін саудагерлерге ақша ұсынады екен.
Маған жаңадан келген күзетші хиджап кисем, 100 доллар беретінін айтты. Ал күйеуім Серікті намазға шақырды. Одан бөлек базарда қолдап-қорғап жүреміз деді. Әрине, егер жолдасым салафиттердікі сияқты сақал жіберсе, – деді сатушы Құралай.
Айта кетейік, базарда саудада отырған әйелдің жетіншісі оранған. Яғни, хиджаб киген. Соған қарап шынымен де өзге ағымның отанына айналып бара жатыр деген ой еріксіз келеді.
