Астана автобустарында жол жүру ақысы қымбаттайды,деп хабарлайды kazbusiness.kz.Астанада автобустармен жүру қымбаттайды. Елорда әкімдігі қаулысының тиісті жобасы “Ашық НҚА” порталында жарияланды. Елордалық жолаушылар жол ақысын 90 теңгеден төлейтін. Өзгерістер күшіне енгеннен кейін жол жүру құны 110 теңге болады. «Астана қаласының әкімдігі қалалық көлік қатынасында жолаушылар мен багажды тұрақты автомобильмен тасымалдауға бір жолаушы рейсі үшін 110 теңге мөлшерінде бірыңғай тариф белгілеу туралы шешім қабылдады», – делінген құжатта.
Сонымен қатар, Астана әкімдігі қалалық маршруттарда жол жүруге 90 теңге мөлшерінде тариф 2014 жылдың қыркүйегінде белгіленгенін хабарлаған болатын.Астана әкімдігі қаулысының бұл жобасы 5 наурызға дейін талқыланатын болады.
Естеріңізге сала кетейік, өткен жылдың шілде айында Астанада автобустарда жол жүру тарифін көтеру жоспарланбаған болатын. “№1 автобус паркі” АҚ Басқарма төрағасы Медет Шакаев “мәселе күн тәртібінде тұрмайды”деп мәлімдеді.
Елордалық CTS көлік компаниясының мәліметінше, күніне орта есеппен астаналықтардың 15-20 пайызы, яғни 90 мыңнан астам адам жол ақысын төлемейді. Осылайша, жол жүру құны күніне 90 теңге мөлшерінде ескеріле отырып, елорданың автобус парктері 8,1 миллион теңгені жоғалтады. Жылына бұл 2,9 миллиард теңге.
