Астанаға Жаңаөзеннен келген мұнайшылар Энергетика министрлігінің алдында түнеді, деп хабарлайды kazbusiness.kz.
Наразылыққа келгендердің көбісі өздерімен бірге плакат, матрас пен жылы киімдер ала келген.
Қазір бұл жерде полиция қызметкерлері кезекшілікте тұр.
Бұл тендерден ұтылып қалған «БерАли Маңғыстау Company» қызметкерлері. Олар жұмыс талап етіп отыр.
Қазмұнайгаздың мәліметінше, оларға жалақысы $1500 болатын басқа компанияға ауысу ұсынылды, бірақ олар бас тартты.
Жаңаөзендіктердің айтуынша, жұмысты тек 55 маманға ұсынған, ал жұмыссыз қалған 240 адам бар.
