Биыл 17 жоғары оқу орны жабылуы мүмкін, деп хабарлайды kazbusiness.kz.
Қазақстанда 17 университет жабылуы мүмкін екенін ҚР Ғылым және жоғары білім министрі Саясат Нұрбек хабарлады.
«Сапасыз білім беретін жеке жоғары оқу орындарының лицензиясын кері қайтару жұмысын жалғастырып жатырмыз. Бұл кезінде Асхат Аймағамбетов қолға алған бастама, жұмыс жүйелі болды. Осыған дейін 30-ға жуық әлсіз, сапасыз, дипломды бизнеске айналдырған жоғары оқу орындарының лицензиясы күшін жойды. Былтыр 15 ЖОО жабылса, биыл 17 жоғары оқу орны кезекте тұр. Яғни олар біздің тексеруімізде», – деді министр.