Қазақстанда күнбағыс майын өндіру екі еседен астамға өсті. Сарапшылар атап өткендей, өнім бағасы арзадаған жоқ, керісінше, қымбаттады. Былтыр баға өсімі кем дегенде 17%-ті құрады.
2022 жылғы қаңтар-желтоқсанда күнбағыс майының өндірісі 537,1 мың тоннаны құрады, бұл 2021 жылдың сәйкес кезеңімен салыстырғанда 62,2%-ке көп, деп хабарлайды Energyprom.kz.
Мұндай айтарлықтай өсім тазартылмаған күнбағыс майының шығарылуын жылына 2,1 есе (376,7 мың тонна) шығару арқылы қамтамасыз етілді. Сонымен бірге, тазартылған күнбағыс майының өндірісі бір жылда 8,7%-ке (160,4 мың тоннаға) өсті.
“2022 жылдың қаңтар-қазан айларының қорытындысы бойынша жергілікті компаниялар күнбағыс майына сұранысты (ішкі нарықтағы сатуды және экспортты қоса алғанда) 81,5%-ке қамтамасыз етті. Осы кезеңде өндіріс көлемі 389,9 мың тоннаға жетті, бұл 2021 жылдың қаңтар-қазан айларындағы көрсеткішпен салыстырғанда 47,1%-ға артық. Импорт 88,6 мың тоннаны құрап, бір жыл ішіндегі өсім 28%-ті құрады”, – деп жазылған зерттеуде.
Сондай-ақ, күнбағыс майының экспорты бірден 2,5 есеге (187,5 мың тонна) өскені, бұл қолда бар ресурстардың 40%-ке жуығы екені жазылған. Бұл ретте ішкі нарықтағы сату көлемі небәрі 12%-ке (291,1 мың тонна) өсті.
Былтыр желтоқсан айының қорытындысы бойынша күнбағыс майы бір айда 0,4%-ке, бір жылда 17,1%-ке қымбаттады. Бұл ретте, 2021 жылдың желтоқсан айында сектордағы бағаның ай сайынғы өсімі 0,1%, жылдық өсім 30,1% болғаны көрсетілген.
“Өңірлер бойынша күнбағыс майы бағасының жыл сайынғы өсімі Солтүстік Қазақстан облысында 10%-тен Қарағанды облысында 25,1%-ке дейін ауытқиды. Бағаның айтарлықтай өсімі Алматыда (23,4%-ке) және Ұлытау облысында (22,1%-ке) тіркелді”, – деп жазылған зерттеуде.
Өткен жылдың желтоқсан айында күнбағыс майының орташа бөлшек сауда бағасы бір литрі үшін 910 теңгені құрады.
Күнбағыс майының Қонаев пен Жезқазған тұрғындары салыстырмалы түрде қатты қымбатқа сатып алды: сәйкесінше 1024 және 1003 теңге. Ал ең арзан күнбағыс майы Семей мен Өскеменде тіркелді: бір литрі 777 және 783 теңге.
