22 мамырда әйелдер теннис ассоциациясының рейтингі жаңарған соң Елена Рыбакина әлемнің 4-ракеткасы атанды деп хабарлайды Kazbusiness.kz.
Бұған дейін Рыбакина рейтингте 6-орында тұрған. Қазір оның еншісінде 5090 ұпай бар. Үшінші орында тұрған Джессика Пегуладан тек 115 ұпайға қалып келеді.
Егер отандасымыз “Роллан Гаррос-2023” турнирінде жақсы нәтиже көрсетке, қарсыласын бас озуы керек.
Еске салайық, бұған дейін Елена Рыбакина Римде өткен WTA 1000 – Internazionali BNL d’Italia турнирінің чемпионы атанған еді. Ол финалда әлемнің 47-ракеткасы, украиналқы Ангелина Калининамен ойнады.
