Бұл туралы индустрия және инфрақұрылымдық даму министрі Марат Қарабаев мәлімдеді, деп хабарлайды kazbusiness.kz тілшісі.
Оның сөзінше, 4%-бен берілетін автонесиелеу қайта іске қосылғанмен, оның негізгі бағыты өзгереді.
«Біз автобустарға несие беру бағытына өзгертпекпіз. Республика бойынша 10 525 автобус бар. Олардың басым бөлігі тозған. Мысалы, Қостанайда қоғамдық көліктің 90%-ы, Орал мен Талдықорғанда 70%-ы ескірген. Ал 9 миллион 300 мың қазақстандық күн сайын қоғамдық көлікті қолданады», – деді ол.
Еске сала кетейік, жеңілдетілген автонесиелеу бағдарламасына қатысуға өтінімдер қабылдау 6 ақпанда басталған еді.
