Қазақстанның “Қызыл кітабына” енгізілген қар бүршіктері мен қызғалдақтарды теруге тыйым салынады, деп хабарлайды kazbusiness.kz Алматы облыстық прокуратурасына сілтеме жасап.
Жеке адамдар өздері байқамай, жоғарыда аталған гүлдердің гүл шоқтарын жұлып алып, жинап, өңіріміздің өсімдіктер әлеміне орны толмас зиян келтіретін фактілері орын алуда.
Осыған орай “Қызыл кітапқа” енгізілген өсімдіктерді бұзу ҚК-нің 339-бабы бойынша қылмыстық жауапкершілікті көздейді және үш мың айлық есептік көрсеткішке дейінгі мөлшерде айыппұл салуға не сол мөлшерде түзеу жұмыстарына не сегіз жүз сағатқа дейінгі мерзімге қоғамдық жұмыстарға тартуға не үш жылға дейінгі мерзімге бас бостандығын шектеуге не сол мерзімге бас бостандығынан айыруға әкеп соғады.
Алматы облысының прокуратурасы сіздерді “Қызыл кітап” өсімдіктерін жұлмауға, сатып алмауға және сатпауға, облысымыздың өсімдіктер әлемінің нәзік экожүйесіне ұқыпты қарауға шақырады.
