Бүгінгі күні Жамбыл ауданына 7 млрд 499 млн теңге көлемінде инвестиция тартылды. 2027 жылға дейін құны 90 млрд 400 млн теңге тұратын 4 жоба аяқталады деп күтілуде, деп жазады kazbusiness.kz ақпарат агенттігі.
Аудан басшысы Нұрлан Ертастың айтуынша, инвестиция бойынша нақты көлем индексі 2,4 есеге артқан. Одан бөлек инвестиция саласы бойынша негізгі капиталға тартылған қаражат көлемі 7 млрд 499 млн теңгені құрады.
“Жылдық жоспар 38,5 млрд.теңгені құрайды. Айта кетерлігі, ауданда жалпы құны 90 млрд. 400 млн. теңге құрайтын 4 инвестициялық жобаны 2027 жылға дейін жүзеге асыру көзделген. Нәтижесінде 3 800 жаңа жұмыс орындарын құрылады деп күтілуде”, – деді аймақ басшысы.
Айта кетейік, бройлер құс фабрикасы «BELES AGRO KZ» ЖШС, алтын өндіруші «Арсенал» ЖШС, тігін фабрикасы «Алатау» ЖШС және органоминералды тыңайтқыштар мен жемшөп қоспаларын өңдейтін зауыт «ALFA ORGANICS» ЖШС ірі инвестициялық жобалар жүзеге асуда.
