Қарасайлық кәсіпкерлер бұқаралық спортқа көңіл бөлуде. Соның айқын дәлелі 17 қыркүйек күні Қарасай ауданының Абай ауылында “Арман Ауыл” жеке қоры мен #АуылФутбол жобасының ұйымдастыруымен “FootballFest” футбол фестивалі өтуі. Іс-шараның өтуіне жергілікті кәсіпкерлер ат салысып, Банк Хоум Кредитте қолдады.
Фестиваль бағдарламасына жаттықтырушылардан мастер-класстар, ата-аналарға арналған эстафеталар, футбол викториналары, бағалы сыйлықтар ұтыс ойыны, әдемі дастархан, бейресми тілдесулер мен шағын концерттік бағдарлама кірді.
#АуылФутбол жобасының жетекшісі Серік Мәмбетовтың айтуынша, фестиваль бірінші кезекте футболды насихаттау мақсатында ұйымдастырылды.
“Бізде не көп? Ашығын айтқанда, бізде қатыгездікті насихаттайтын спорт түрлері көп. Тіпті қарапайым бокс қатал болды. Жанкүйерлер, әсіресе балалар жекпе – жектің сұлулығын көрмейді-олар кез-келген жағдайда жеңіске жетуді қалайды. Бізде ұжымдық спорт түрлеріне қызығушылық танытқандар өте аз. Ал бұл ұжымдастыруды, ұлттың ұжымдық рухын насихаттау үшін өте маңызды. Сондықтан біз ойын, ұжымдық спорт түрлерін дамытуға өз үлесімізді қосуға тырысамыз”, – деді С.Мәмбетов.
Ұсынылған фестиваль жобасы ХоумКредит Банкіне бірден ұнады және бірден қолдау тапты.
“Біз Банк Хоумкредитке қолдау көрсеткені үшін алғыс айтамыз. Демеушілік қаражатқа бірінші кезекте қатысушыларға сыйлықтар сатып алынды. Бұл сыйлықтар эстафетада, футбол викториналарында үздік ата-аналарға, сондай-ақ фестивальға қатысуға және қолдауға келген балалар командаларына берілді. Фестивальдер әлі де болады деп үміттенеміз”, — деді #АуылФутбол жобасының жетекшісі.
ХоумКредит Банкі қолдаған келесі акция-ауылдық балалар футбол клубтарына қолдау көрсету. 2 ай ішінде 16 команда 10 доп пен 10 форма жиынтығымен қамтылған.
Анықтама
#АуылФутбол жобасы 2020 жылдың қаңтар айында іске қосылды. Жобаның мақсаты-ауылдық балалар футболын дамытуға ықпал ету. Жұмыс барысында 70-ке жуық команда қолдау тапты.
Бұдан басқа, 30-дан астам турнирлер, оның ішінде 5 республикалық деңгейдегі турнирлер өткізілді.
