ҚР Индустрия және инфрақұрылымдық даму министрлігі отандық өнеркәсіптің ахуалына байланысты ұлттық баяндаманы әзірлеуді қолға алды. Онда еліміздегі өнеркәсіптің қазіргі жағдайы мен жекелеген бағыттар бойынша өнеркәсіптік-инновациялық жобаларға қатысты индустриялық даму жөніндегі мәліметтер қамтылған.
Бұл орайда аталған баяндама Қазақстандағы өнеркәсіптік саясатты қалыптастырудың негізгі тетігі саналатынын айта кетейік. Оны әзірлеу іскерлік орта және қоғам өкілдерімен өзара іс-қимыл негізінде жүзеге асырылады.
«Осыған байланысты Индустрия және инфрақұрылымдық даму министрлігі кәсіпорындардың дамуына әсер ететін факторлар мен өндіріс орындарында туындайтын жүйелік проблемаларды және тәуекелдерді анықтау мақсатында онлайн-сауалнамаға қатысуға шақырады. Осы сауалнаманың нәтижелері тиісті шешімдерді қабылдау үшін еліміздің басшылығына ұсынылатынын айта кеткен орынды», — деп хабарлайды ҚР ИИДМ.
Онлайн-сауалнаманың мемлекеттік тілдегі нұсқасына төмендегі сілтеме арқылы өтуге болады: https://forms.gle/BBPgLadoFCC2gHwP6
Ал ресми тілдегі нұсқасы https://forms.gle/ntPMs9DauGpmjjKx7 сілтемесі бойынша қолжетімді.
