Кофе сатып алып, көлік ұту. Бәзбіреуге бұл мүмкін емес көрінер. Бірақ kaskelen.kz жобасының жетекшісі Қуаныш Шаханов бұл идеяны жүзеге асырды. Yolo кофеханысына келген әр тұтынушы құны 1000 теңге тұратын Латте Tall кофесін сатып алу арқылы 2,5 млн теңгелік Нива көлігін ұтып алу мүмкіндігіне ие болды, деп жазады kazbusiness.kz ақпараттық порталы.
Ойын 2 айға созылды. Нәтижесінде 3000 үміткер Нива көлігін ұтып алу мүмкіндігіне ие болды. Тіпті онлайн билет алғандар да бар. Жобаның ауқымдылығы сонша, қаскелеңдіктер ғана емес, еліміздің әр аймағынан және Африкадан, Нигериядан да адамдар қатысып, өз бақтарын сынады. Соның ішінен дауылпаз арқылы кездейсоқ 30 үміткер таңдалды.
Айта кетейік, бәске тігілген автокөліктен бөлек, іріктелген 30 үміткердің барлығына да сыйлық бұйырды. Нақтыласақ Togo.kaskelen комбосы, тегін кофе, балаларға арналған кітаптарға ие болды.
«Биыл kaskelen.kz жобасына 5 жыл. Куаныш лайф блогері «Кеттік бәрін таста» жобасы үшін тюнинг жасалған Ниваны оқырмандар арасында ойнатып, сыйға тартқысы келді», — дейді ұйымдастырушылар.
Айта кетейік, Нива автокөлігінің құны 2,5 миллион теңге.
«Ұтыс нәтижесінде Айдар есімді азамат жеңіске жетті. Билет нөмірі 2697. Бекболат ауылының тұрғыны. Ауылшаруашылығымен айналысады. Мұқтаж жанға бұйырғанына 100% сенімдіміз», – дейді Қуаныш Шаханов.
