Көп балалы ана 5 миллион теңге грант ұтып алды, деп хабарлайды kazbusiness.kz.
Үйде балаларымен отырған 4 баланың анасы Қарлығаш Сұлтанғазиева қосымша табыс табуды мақсат тұтты. Сөйтіп Қарасай аудандық Кәсіпкерлер палатасына жүгініп, кеңес алды.
Ол «Бастау» бағдарламасы бойынша 2021 жылы оқыған екен. Ал өткен жылы гранттық қаржыландыруға өтінім беріп, жоба қорғап, қамыр және жартылай фабрикаттар шығаратын цехына құрал-жабдық алу үшін 5 миллион теңге көлемінде грант ұтып алды. Бұл туралы “Атамекен” кәсіпкерлер палатасының Қарасай ауданы бойынша өкілі Елена Константинова өз инстаграм парақшасында жазды.
Бүгінде Қарлығаштың ассортиментінде шелпекті қамырдан бастап, манты, тұшпара, жалпы 20-ға жуық өнім түрі бар.
Бірақ Қарлығаш мұнымен тоқтап қалғысы келмейді, оның ойында бизнесті кеңейту туралы идеялар бар, өйткені ол мамандығы бойынша журналист – ол бизнесте өзіне пайдалының бәрін үйренуге тырысады!
