Ұлттық музейдің бұрынғы директоры Арыстанбек Мұхамедиұлы сот алдындағы соңғы сөзін айтты, деп хабарлайды kazbusiness.kz тілшісі Қазақпаратқа сілтеме жасап.
Ұлттық музейдің бұрынғы директоры Арыстанбек Мұхамедиұлы ату жазасына да келісетінін, алайда айыпты мойындамайтынын мәлімдеді.
“Біз “Алтын адам” артефактілерін сақтап, елге жеткіздік. Алайда ол ұрланып кеткен дүние секілді, жағымсыз сипат алып отыр. “Алтын адам” қазір ұлттық музейде тұр. Осындай әрекеттен кейін кім “Алтын адамның” көрмесін өткізгісі келеді? Ешқандай тарап проблемалық тарихы бар көрмені қабылдағысы келмейді”, – деді Арыстанбек Мұхамедиұлы соттағы соңғы сөзінде.
Ол кез келген жазаны өтеуге дайын екендігін айтты, бірақ орынсыз айыптамауды сұрады.
“Мен кез келген жазаға келісемін, тіпті атуға да, тек ақша ұрлады деп айып тақпаңыздар. Ар бәрінен қымбат. 60 жасыма дейін өмірдің қызығын да, шыжығын да таттым, бірақ лайықты өмір сүрдім”, – деді Мұхамедиұлы.
Айта кетсек, Прокурор Арыстанбек Мұхамедиұлын 9 жылға бас бостандығынан айыруды сұрады
