No Result
View All Result
  • Басты бет
  • Жаңалықтар
  • Дара кәсіпкер
  • Керек дерек
  • Қаржылық кеңес
  • Салық
  • Айна
  • Басты бет
  • Жаңалықтар
  • Дара кәсіпкер
  • Керек дерек
  • Қаржылық кеңес
  • Салық
  • Айна
No Result
View All Result
kazbusiness.kz
No Result
View All Result
Басты бет Жаңалықтар

Мотиватор Саймон Синектің «Неге сұрағынан баста» кітабындағы табысқа жету құпиялары қандай?

12.11.2022
Жаңалықтар, Керек дерек
0
рет
WhatsappTelegramTwitterFacebook

Саймон Синек – америкалық жазушы, атақты спикер әрі мотиватор. Ол «Неге сұрағынан баста» (Start with why) кітабында табысқа жету құпиясы туралы айтады. Kazbusiness.kz ақпараттық порталы кітаптың құндылығы мен қысқаша мазмұнын материал ретінде дайындады.

Манипуляция немесе мотивация?

Адамдарға әсер етудің екі жолы бар — манипуляция немесе мотивация. Бұл жағдайда манипуляция — жеңілдіктер мен акциялар, жарнамалық науқандар, қорқыту, мотивтер, конформизм, яғни нейромаркетинг.

Манипуляция бизнесте де, саясатта да кеңінен қолданылады. Ол шынымен жұмыс істейді және пайда әкеледі. Бірақ маңызды мәселе бар — ол сенімсіздік тудырады. Дәл қазіргі таңда нәтиже береді, бірақ болашақ үшін жұмыс істемейді.

Алтын шеңбер

Егер сіз бір реттік мәмілелерге емес, тұрақты ынтымақтастыққа жеткіңіз келсе, тағы бір жол бар —  ол шабыт. Стив Джобс, Мартин Лютер Кинг және басқа да ұлы көшбасшылар осы жолды таңдады. Олар үш бөліктен тұратын «Алтын шеңбер» тұжырымдамасын қолданды:

  1. Сыртқы — «Не?». Барлық компаниялар немесе ұйымдар НЕ істейтінін айта алады. Олардың өнімі қандай және ол не үшін қажет? Көбісі осымен шектеледі.
  2. Орта — «Қалай?». Кей компаниялар мен адамдар өздерінің не істейтіндерін біледі. Енді олар ҚАЛАЙ ерекшеленетінін немесе басқалардан артықшылығын көрсету керек.
  3. Ішкі — «Неге?». Тек мықты көшбасшылар ғана НЕГЕ бұлай жасайтынын көрсетеді. Олардың мақсаты неде, олар не нәрсеге сенеді? Дәл осындай адамдар басқаларға мотивация бере алады.

Алтын шеңбердің тәртібі

«Алтын шеңбер» — бұл жауап беретін сұрақтар жиынтығы ғана емес. Ол жеке иерархиялық жүйе.

Ең алдымен, сіз мұны не үшін жасағаныңызды шешуіңіз керек. Сіздің компанияңыз не үшін пайда болды, неге адамдар оған күн сайын барады. Мақсатыңыз қандай? Әрине, жауап пайдадан тыс болу керек. Ақша ынталандырады, бірақ шабыттандырмайды.

Неге дегеннен «Қалай?» деген сұрақ туындайды. Мысалы «бұл мәселені шешу үшін жұмыс істейміз». Қалай?

«Неге?» — сенімнің белгісі. «Қалай?» — оны шынайы етудің тәсілі. «Не?» — сенімнің нәтижесі. Оның түпкілікті өнімі.

Сенімнің маңыздылығы

Сіз сенетін адам ғана сізді шабыттандырады, жетелейді. Сенім компания пайдадан бөлек, маңызды нәрсені көздейтінін сезген кезде пайда болады.

Сенімнен тәуекел туады, бұл дамудың маңызды қозғаушысы.

Сізге сенетін адамды қалай табасыз?

Полярлық зерттеуші Эрнест Шеклтон экспедициясының Антарктидада кемелерін мұз басқаннан кейін аман алып қалғаны белгілі. Осы кезде бірде-бір адам өлген жоқ, тәртіпсіздіктер мен келіспеушіліктер болған жоқ.

Себебі олар өз жетекшісіне сеніп, онымен бірге соңына дейін жүрді. Ондай сенімді ізбасарларды қайдан табуға болады? Ол оның құндылықтарын бағалайтын адамдарды іздеді. Ол мынадай хабарлама ілген:

«Экстремалды саяхатқа адамдар іздеймін. Аз жалақы, қатты аяз, көптеген айлар бойы қараңғылық, үнемі қауіп, оралу кепілдігі жоқ. Егер сәтті оралсаңыз, шыңды бағындарған жан боласыз».

Өз хабарламасында ол құндылықтар туралы айтты — тәуекелге деген сүйіспеншілік, қауіпті жеңу және даңқ үшін күрес.

Адал ізбасарларды табу үшін «Неге?» дегенді қолдайтын адамдарды іздеңіз.

Инновацияны жүзеге асыру

Технологиялық кәсіпорындардың көпшілігі бірінші дәрежелі мамандарды жалдап, оларға жоғары жалақыны уәде етеді. Классикалық манипуляция. Сарапшылар келеді, командаға қосылады. Бірақ өздері үшін, табыс үшін жұмыс істеуді жалғастырады.

Табысты компаниялар басқаша жасайды. Олар өз идеяларымен, «Неге» миссиясымен қызметкерлерді шақырады. Оны не үшін істеу керегін еске түсіреді. Стив Джобс iTunes немесе iPhone-ды ойлап тапқан жоқ. Мұны оның қызметкерлері жасады. Ол тек идея, жұмыс істейтін контекст берді. Ол оларға НЕГЕ-ні түсіндірді.  Ал олар ҚАЛАЙ  және НЕ жасайтынын түсінді.

Байланысты Материалдар

«Алматы жастарына» берілетін несие көбейеді

28.03.2023

Еліміз бойынша ең көп инвестиция Атырау облысына құйылған

28.03.2023

Парламент Мәжілісінің депутаттары толық анықталды

28.03.2023

Радиофобия — Қазақстанда интернеттің дамуына кедергі

27.03.2023

Қошқар көтеруден Қазақстан рекорды жаңарды

27.03.2023

Салық қызметкерлері көлік иелеріне ескерту жасады

27.03.2023

Ұсынылатын материалдар

Бизнес идеяларды іздеу бойынша 10 кеңес

19.12.2022

Жетісу облысында 3 миллиард теңгеден астам инвестициялық жобалар жүзеге асырылады

20.10.2022

Алматы облысында «үздік салық төлеушілер» марапатталды

25.12.2022

KAZBUSINESS - бизнестегі озық жаңалықтар, қажет кеңестер мен тура бағыт нұсқаушы. Жас кәсіпкердің кеңесшісі. Ел нарығында бизнестің іргесін қалаудың қыр-сырын ашатын сайт. Платформа - жеке кәсіпкердің даму жолына қажетті ақпарды жариялайды. Бұл сайт - кәсібін енді бастаған кәсіпкердің негізгі көмекшісі.

Жаңа жазбалар

  • «Алматы жастарына» берілетін несие көбейеді
  • Еліміз бойынша ең көп инвестиция Атырау облысына құйылған
  • Парламент Мәжілісінің депутаттары толық анықталды

Айдарлар

  • Айна
  • Дара кәсіпкер
  • Жаңалықтар
  • Керек дерек
  • Қаржылық кеңес
  • Салық

© 2023 KAZBUSINESS - Қазақстандық бизнестің қыр-сырын ашатын платформа

No Result
View All Result
  • Басты бет
  • Жаңалықтар
  • Дара кәсіпкер
  • Керек дерек
  • Қаржылық кеңес
  • Салық
  • Айна

© 2023 KAZBUSINESS - Қазақстандық бизнестің қыр-сырын ашатын платформа