Президент Қасым-Жомарт Тоқаев елде орын алып жатқан қымбатшылық мәселесін де қозғап кетті. Оның айтуы бойынша, Елімізде өндірілетін тауардың көлемі ішкі сұранысты қамтамасыз етуге шамасы жетпей жатыр, деп хабарлайды kazbusiness.kz.
«Жұрттың ай сайын жұмсайтын қаржысының тең жартысынан көбі азық-түлік алуға кетеді. Үкіметтің әрекеті жеткіліксіз болып отыр. Тыйым салу және шектеу шаралары уақытша ғана әсер етеді. Мұндай қадамдар қиындықтың бетін қайтарса да, одан біржола құтылуға мүмкіндік бермейді, тіпті, мәселені ушықтырады деуге болады.
Ауыл шаруашылығы және өндіріс саласының дамуында нақты нәтиже жоқ. Азық-түлік инфляциясының басты себебі де – осында. Елімізде өндірілетін тауардың көлемі ішкі сұранысты қамтамасыз етуге жетпейді. Импортқа тәуелдіміз», – дейді президент.
