15 маусымда Сыбайлас жемқорлыққа қарсы қызмет Павлодар қаласы әкімінің орынбасары Арслан Қалияқбаровты қамауға алды, деп хабарлайды kazbusiness.kz ведомствоның баспасөз қызметіне сілтеме жасап.
Шенеунік кәсіпкерден пара алды деген күдікпен ұсталды.
“А.Қалияқбаров бизнесті қорғау бойынша қабылданып жатқан шаралар шеңберінде, жолдарды жөндеу бойынша мемлекеттік сатып алу шарты негізінде орындалған жұмыстардың актілеріне кедергісіз қол қойғаны үшін Павлодар қаласы әкімінің орынбасары ұсталды”, – делінген хабарламада.
Ақшаны алғаннан кейін күдікті қылмыс үстінде ұсталып, Павлодар қаласы Полиция департаментінің уақытша ұстау изоляторына қамауға алынды.
Айта кетейік, ҚР Қылмыстық-процессуалдық кодекстің 201-бабына сәйкес тергеу мүддесіне байланысты өзге ақпаратты жариялауға тыйым салынған.
