Қаңтар айының нәтижесі бойынша экономиканың барлық негізгі салаларында оң динамика байқалған және сауда, ақпарат және байланыс, сондай-ақ құрылыс салалары ең жоғарғы өсуді көрсеткен.
Қазақстан бойынша негізгі капиталға салынған инвестициялар 18,3%-ға өскен. Нақты айтқанда, инвестициялар ағыны өнеркәсіпте – 9,2%-ға, оның ішінде тау-кен өндіру өнеркәсібінде – 12,6%-ға, сондай-ақ ауыл шаруашылығында – 33,7%-ға, жылжымайтын мүлікпен операцияларда – 33,7%-ға, көлікте және қоймалауда – 31,8%-ға ұлғайған.
Сондай-ақ, алдын ала қорытынды бойынша 2022 жылы сыртқы сауда тауар айналымы 32,1%-ке өсіп, 134,4 млрд. долларды құрады. Оның ішінде экспорт бойынша көрсеткіш 39,9%-ке өсіп, 84,4 млрд. долларға дейін жетті. Бұл ретте өңделген тауарлар экспорты 33,6%-ке ұлғайып, 26,5 млрд. доллар құрағанын ерекше айтып өтуге болады. Тауарлар импорты 50 млрд. долларға тең. Жалпы, оң сауда балансы 34,4 млрд. долларды құрады.
Өңдеу өнеркәсібінде оң өсу қарқыны сақталған. Өндіріс көлемі 1,6%-ға өсті. Оң өсім 14 өңірде тіркелді. Ең жоғарғы өсім Қызылорда, Алматы және Солтүстік Қазақстан облыстарында байқалады. Өңдеу өнеркәсібі салалары бөлінісінде машина жасау өндірісі 12,1%-ға, оның ішінде автомобиль жасау – 27,5%-ға, компьютерлер мен жабдықтар жасау – 29,6%-ға өскен.
Сондай-ақ өсу келесі салаларда байқалып отыр: азық-түлік өндірісі – 9,8%, мұнай өңдеу өнімдері – 11,1%, химия өнеркәсібі – 10,6%, сусындар өндірісі – 33,2%, фармацевтика өндірісі – 51%, жеңіл өнеркәсібі – 11,3%.
Бұл ретте көмір өндіруді қоспағанда, өндіріс барлық көрсеткіштер бойынша өсім тіркелді. Атап айтқанда, өзге де пайдалы қазбаларды өндіру 7,6%-ке, металл кендерін өндіру – 3,7%-ке, мұнай өндіру – 1%-ке, газ өндіру – 0,1%-ке, тау-кен өнеркәсібіндегі қызмет көрсету – 0,2%-ке ұлғайды.
Сонымен қатар, жыл басында құрылыс саласында оң өсім көрінген. Биыл қаңтар айында 1 млн. шаршы метр тұрғын үй пайдалануға берілді. Бұл өткен жылғы қаңтармен салыстырғанда 39,6%-ке артық. Ең жоғарғы көрсеткіштер Алматы және Атырау облыстарында, Алматы және Астана қалаларында байқалды.
Жалпы қаңтар айының қорытындысы бойынша негізі 7 экономикалық көрсеткіштің барлығында оң өсім тек 2 өңірде – Қостанай облысында және Алматы қаласында байқалған.
6 көрсеткіш бойынша өсім 10 өңірде тіркелді. Бұл Ақмола, Атырау, Батыс Қазақстан, Жамбыл, Қызылорда, Павлодар, Ұлытау, Шығыс Қазақстан облыстары және Астана, Шымкент қалалары.
5 көрсеткіш бойынша оң өсім 6 өңірде – Ақтөбе, Алматы, Жетісу, Маңғыстау, Солтүстік Қазақстан және Түркістан облыстарында байқалды.
Қарағанды облысы 4 көрсеткіш бойынша өсім көрсетті.
Абай облысында тек 3 көрсеткіш бойынша оң динамика тіркелді.
