Қарасай жерінде 2 885 шағын кәсіпорын болса, 16 415 адам жеке кәсіппен айналысады. Ал жалпы ауданда 21 079 шағын және орта ксәпкерлікпен айналысатын субъект тіркелген.
Ауыл шаруашылығы саласында 1779 нысан жұмыс атқаруда, бүгінгі күні бұл бағыттағы кәсіпкерлікте 60 мың 935 адам жұмыспен қамтылған.
Өткен жылы шағын және орта бизнестен түскен бюджеттік төлемдер 27 млрд. 411,9 млн. теңгені құрады. Аталған сала бойынша кәсіпкерлік субъектілерінен өндірілген өнім — 152 млрд. 816,8 млн. теңгеге жеткен.
Ал аудандағы бөлшек тауар айналымының көлемі 193,7 млрд теңгеге жеткен. 2021 жылдың сәйкес кезеңімен салыстырғанда 25,6 млрд. теңгеге өсіп, нақты көлем индексі 100,0% құрап, облыс көлеміндегі ауданның бөлшек тауар айналымындағы үлесі 35,6%-ға жетіп жығылады.
