Қазақстанның сыртқы істер министрлігі Вьетнаммен екіжақты визасыз режим енгізу үшін келіссөз жүргізіп жатыр, деп хабарлайды kazbusiness.kz.
Министрлік мәліметінше қос мемлекеттің өкілдері бейнеконференция форматында келіссөздер өткізген.
“Тараптар консулдық салада достық қарым-қатынастарды одан әрі нығайту мүмкіндігін атап, алғашқы әрі маңызды қадамдардың бірі ретінде екі елдің жалпыазаматтық паспорттардың иелері үшін визалық режимді жеңілдету туралы үкіметаралық келісімге қол қоюға уағдаласты”, – делінген хабарламада.
“Қытайлар емес, қандастар ағыны көбейеді”: Қытай мен Қазақстан арасындағы визасыз режимнің қаупі бар ма
Консулдық қызмет департаменті директорының орынбасары Ғабиден Темірбеков Вьетнам Социалистік Республикасының Сыртқы істер министрлігі Консулдық департаментінің директоры Люонг Тан Куанмен келіссөз жүргізді.
Вьетнам тарапы халықаралық шартты тез арада келістіруге бар күшін салуға дайын екенін айтты.
Айта кетейік, бұған дейін Қазақстан мен Қытай екіжақты визасыз режим енгізу туралы келісімге келген еді. Алайда құжатқа әлі қол қойылғна жоқ.
