Биылғы жылдың 11 айында Қазақстанда резеңке және пластмасса бұйымдарын өндіру көлемі 38,1% – ға артып, 370,1 млрд теңгеге жетті.
“Резеңке және пластмасса бұйымдарын өндіруде негізгі үлесті пластмасса плиталар, табақтар, құбырлар мен профильдер – 46,1%, құрылыс пластмасса бұйымдары – 20,0%, тауарларға арналған пластмасса қаптамалар – 14,9%, өзге де пластмасса бұйымдары – 14,5 %, өзге де резеңке бұйымдар – 4,5% құрады”, – делінген баспасөз қызметінің хабарламасында.
Сонымен қатар, 2022 жылғы қаңтар-қазан айларында номиналды мәнде резеңке және пластмасса өнімдерінің экспорты 54,6% – ға ұлғайып, 137,9 млн. АҚШ долларына жетіп жығылады. Негізгі имортерлер Ресей, Өзбекстан және Қырғызстан болды.
“Ағымдағы жылдың 10 айында резеңке және пластмасса бұйымдарының ішкі тұтыну нарығының көлемі 21,2% – ға өсіп, 1 трлн теңгеден асты, онда отандық өндіріс өнімдерінің үлесі 26,2% – құрады”, – делінген QazIndustry ақпаратында.
Резеңке және пластмасса бұйымдарының қазақстандық өндірісіндегі ең үлкен үлесті Алматы облысы (22,3%), Астана (17,8%) және Алматы (13,9%) қалалары алады.
Резеңке және пластмасса бұйымдары автомобиль және электроника өнеркәсібінде, құрылыс материалдары өндірісінде, фармацевтика өнеркәсібінде, ойыншықтар, спорт тауарлары мен тұрмыстық электр аспаптарын шығаруда жоғары сұранысқа ие. Сондай-ақ, ешқандай сала орауыш материалдарсыз аяқталмайды.