Ведомствоның мәліметінше, 2020-2022 жылдары осы платформада 220 қазақстандық компания орналасқан. Бұл ретте оларға бір жылға толық сервистік сүйемелдеумен “алтын жеткізуші” преференциялық аккаунты берілді. Қазіргі уақытта 122 қазақстандық кәсіпорынның мемлекеттік бағдарлама аясында осы аккаунты бар.
Сонымен қатар, негізгі басымдық шикізаттық емес өнімді экспорттаушыларға беріледі. Сондықтан отандық компаниялар арасында дайын азық-түлік тауарларын, тоқыма және тоқыма бұйымдарын, құрылыс материалдарын, қайта өңделген мал және өсімдік өнімдерін өндірушілер артықшылық алды. Сондай-ақ платформада химия өнеркәсібінің өнімдері мен машина жасау саласының тауарлары ұсынылған.
“Қазіргі уақытта платформаға шығарылған компаниялардың жиынтық сатылымы шамамен $167,7 млн құрайды”, – деп түсіндірді сауда министрлігі.
Ведомствода атап өткендей, Қазақстанның азық-түлік тауарлары: майлар, астық өнімдері, бал және мұздатылған оралған ет үлкен сұранысқа ие.
Сонымен қатар, Қытай, Македония, Біріккен Араб Әмірліктері, Оман, Еуразиялық экономикалық одақ мемлекеттері және Орталық Азия елдерінің сатып алушылары пластикалық ойыншықтарға, сүзгілерге, электротехникаға, тоқыма өнімдеріне қызығушылық танытты.
Ведомствода Ready4Trade Central Asia жобасы аясында бизнес eBay арқылы танысу материалдарының көмегімен саудада көмек алатынын атап өтті.
