Ағымдағы жылдың мамыр айында Қазақстанға Ресей мемлекетінен 45,6 млрд теңге жіберілген. Бұл Украинадағы жағдаймен тікелей байланысты дейді, мамандар.
Көрші елден аударылған ақша көлемі былтырғы жылғы 12 айдың көрсеткішінен сәл ғана аз. 2021 жылды тұтас алғанда бұл сома 53 млрд теңгені құраған.
2022 жылдың I тоқсанында әлемнің барлық елдерінен Қазақстанға ақша аудару жүйесі арқылы 57,2 млрд теңгенің транзакциялары орындалған.
«Ресейден келген трансферттердің көлемі керісінше іргелес көршіге аударылған сомадан 2,5 есе көп болды. Мұндай жағдай ешқашан болған емес», – деп жазылған кредиттік бюроның сараптамалық арнасында.
Аударымдардың орташа мөлшерінің күрт өсуі байқалады. Сәуірдегі 219,3 мың теңгенің орнына мамыр айында 480 мың теңгені құрады. Осылайша аударымдардың орташа сомасы шамамен 2,2 есеге өсті.
Айта кетейік, Украина мен Ресей арасындағы қақтығыстан кейін Қазақстанға ақша аудару жүйесі арқылы транзакциялар көлемі күрт өсті.
