No Result
View All Result
  • Басты бет
  • Жаңалықтар
  • Дара кәсіпкер
  • Керек дерек
  • Қаржылық кеңес
  • Салық
  • Айна
  • Басты бет
  • Жаңалықтар
  • Дара кәсіпкер
  • Керек дерек
  • Қаржылық кеңес
  • Салық
  • Айна
No Result
View All Result
kazbusiness.kz
No Result
View All Result
Басты бет Жаңалықтар

Роберт Кийосакидің ақшаға қатысты ойлары

22.11.2022
Жаңалықтар, Қаржылық кеңес
2
рет
WhatsappTelegramTwitterFacebook

Роберт Тору Кийосаки – 1947 жылы 8 сәуірде АҚШ-та дүниеге келген бизнесмен. Атақты инвестор әрі тәлімгер. Сонымен қатар атын әлемге мәшһүр еткен «Бай әке, кедей әке» кітабының авторы. Бұл миллиондаған адамның ақшаға, оқуға, табысты болуға деген көзқарасын түбегейлі өзгерткен бестселлер. Kazbusiness.kz ақпараттық порталы Роберт Кийосакидің ақша туралы ойларын талқыға салады.

Роберт Кийосаки:

Ақша – адамның өз идеясы мен ойы

«Менен біреу келіп, мен қалай көп ақша таба аламын деп сұраса, мен алдымен өз ойыңды өзгерт деп жауап беремін. Себебі, ақша туралы не ойласаң, саған одан артық байлық немесе өз ойыңдағы мөлшерден аз ақша келмейді. Мәселен, көп адам қымбаттау затты көрсе, «Біздің шамамыз келмесі мұны алуға» дейді. Бұл ой шындығында іске асып, расымен сол затқа қол жеткізе алмай қалады.

Ақшаға немесе бағалы затқа сыйластықпен қарау керек. Мен барлығына бірдей сұрақ қоямын: «Ата-анаңыз сізге ақша туралы не айтты?». Алатын жауабым мынандай: «Алдымен мектепте жақсы оқы, кейін университетте біліміңді жалғастырып, жақсы жұмыс тап». Міне, адамдардың басым бөлігі осындай қағидамен өмір сүріп келеді.

Көпшілігіміз ауқатты емес отбасында дүниеге келеміз. Америкада 60 жастан кейін 100 адамның тек біреуі ғана бай болады. Ал бұл әлемдегі ең бай мемлекеттің көрсеткіші. Сол 100 адамның төртеуі өзін-өзі толыққанды асырай алатын болса, 56 пайызы мемлекеттік төлемдер мен зейнетақыға тәуелді болып қалады. Сіздің ойыңызға әсер ететін кімдер екенін анықтаңыз.

Өзгелердің ойы сіздің өміріңізге ықпал етуіне жол бермеңіз. Ақша сізді бай қылмайды. Себебі менің кедей әкем бай әкемнен қарағанда көп табатын. Көпшілігіңіз лотореядан көп ақша ұтып алсам, байып кетемін деп ойлайсыз. Жоқ! Сіз ақшаны қалай қолдансаңыз, ол сізге солай қызмет етеді. Ақшаға қатысты мәселе барлық адамда, барлық компанияда, барлық мемлекетте бар. Бірақ бізді бай немесе кедей ететін ақшаны кімнің қалай қолданатындығы. Ақша не жетпейді, не тым көп болады. Екеуі де ең үлкен проблема».

Таңдау

Ақша – сенің таңдауың. Мен екі әкемнің қайсысының жолын қуатындығымды таңдадым. Екеуін де жақсы көрдім. Бірақ екеуінің көзқарасы мүлде екі түрлі  еді. Бұл өмірімдегі ең қиын таңдау болды. Менің туған әкем білім дәрежең жоғары болған сайын бай болуға болады деп санады. Сенен жақсы қызметкер шықпайды деді. Әкем секілді ойлайтындар ақылды адамдар. Бірақ олар ақша үшін жұмыс істейтіндер.

Ал кәсіпкерлер ақшаның оларға жұмыс істегенін қалайтын жандар. Бұл адамдар үшін уақыт –  ол ақша. Олардың бәрі ақылды емес. Бірақ олар ақылды адамдарды іздейді. Жақсы қызметкерлерді жұмысқа алуды жөн көреді. Сөйтіп ақылды адамдар бай адамға қызмет етеді.

Бұл айырмашылықтар сезімдерге негізделеді. Қызметкерлердің бойындағы басты сезім – үрей. Олар әрдайым қауіпсіз қызметті істегісі келеді. Ал бизнесмендер әрдайым тәуекелге дайын тұрады. Себебі олар үшін ақша – уақыт.

Ақша сізге қызмет етуі тиіс. Сіз ақша үшін еңбек етсеңіз, бай болмайсыз.

Бізді неге үйретті?

Бізді өмір бойы қызметкер болуға тәрбиелейді. Ал байлар мұны өте жақсы қолданады. Олар жақсы қызметкерлерді қол астына алып, өздері үшін жұмыс істейтін адамдар тобын құрады. Байлар үшін ереже өзгермейді. Себебі олар ережені өздері жасайды.

Менің кедей әкем әрдайым жақсы жалақы алатын жұмыс тап деп үйретті. Бірақ бай әкем сенің қанша табатының емес, қанша ақша сақтап қала алатының маңызды деп айта берді. Әр табыстың кемі 30 пайызы сақталуы керек екен. Ал жақсы жалақы алатын қызметкерлер ешқашан ақша сақтамайды. Сондықтан бай бола алмайды.

Байланысты Материалдар

Кәсіпкерлерді бопсалап жүрген қылмыстық топ ұсталды

21.03.2023

Енді кәсіпкерлер қосымша құн салығы бойынша арнайы тіркелмейді

21.03.2023

Рамазан айында кәсіпкерлерге үндеу жасалды

20.03.2023

10 мыңға жуық сайлау учаскелері ашылды

19.03.2023

Елімізде азық-түлік бағасы тағы да қымбаттады

18.03.2023

Ауыл оқушылары “жасанды көз” ойлап тапты

18.03.2023

Ұсынылатын материалдар

Әрбір қазақстандықтың 1 миллион АҚШ доллардай қарызы бар

14.02.2023

Жетісудың агроөнеркәсіптік кешенін дамытуда өңдеу ісіне басымдық беріледі

02.07.2022

Тоқаев жер тексерулеріне мораторийді алып тастады

12.08.2022

KAZBUSINESS - бизнестегі озық жаңалықтар, қажет кеңестер мен тура бағыт нұсқаушы. Жас кәсіпкердің кеңесшісі. Ел нарығында бизнестің іргесін қалаудың қыр-сырын ашатын сайт. Платформа - жеке кәсіпкердің даму жолына қажетті ақпарды жариялайды. Бұл сайт - кәсібін енді бастаған кәсіпкердің негізгі көмекшісі.

Жаңа жазбалар

  • Кәсіпкерлерді бопсалап жүрген қылмыстық топ ұсталды
  • Енді кәсіпкерлер қосымша құн салығы бойынша арнайы тіркелмейді
  • Рамазан айында кәсіпкерлерге үндеу жасалды

Айдарлар

  • Айна
  • Дара кәсіпкер
  • Жаңалықтар
  • Керек дерек
  • Қаржылық кеңес
  • Салық

© 2023 KAZBUSINESS - Қазақстандық бизнестің қыр-сырын ашатын платформа

No Result
View All Result
  • Басты бет
  • Жаңалықтар
  • Дара кәсіпкер
  • Керек дерек
  • Қаржылық кеңес
  • Салық
  • Айна

© 2023 KAZBUSINESS - Қазақстандық бизнестің қыр-сырын ашатын платформа