Шавкат Рахмонов соңғы өткен жекпе-жегі үшін рекордтық көлемде гонорар алды, деп хабарлайды kazbusiness.kz.
Рахмоновтың осы жекпе-жектен алған жалпы гонорары – 161 500 доллар (30 000$ — кепілді сыйақы, 6 000$ — демеуші бонусы, 25 500$ — салмақ өлшеудегі сәтсіздік үшін Нил гонорарының 30%-ы, 100 000$ — Нил салмағын реттемегендіктен «Кештің үздік жекпе-жегі» үшін екі еселенген бонус).
Шавкат Рахмонов Джефф Нилді үшінші раундта қылқындыру әдісімен жеңіп, кәсіби мансабындағы он жетінші (UFC-дегі бесінші) жеңісіне қол жеткізді.
UFC комментаторлары көрсетілім кезінде бұл айқасты бірнеше рет «жыл жекпе-жегі» деп атады.
